நகர்ப்புறங்களில் வீட்டு வாடகை செலவுகள் தாறுமாறாக அதிகரித்து வரும் நிலையில், வீட்டு வாடகைப் படித் தொகைக்கு (HRA) வழங்கப்படும் வரி சலுகையை உயர்த்த வேண்டும் என்பதும் வரி செலுத்துவோர் மத்தியில் முக்கிய எதிர்பார்ப்பாக உள்ளது.
மருத்துவச் செலவுகள் அதிகரித்து வரும் காலகட்டத்தில், Section 80D கீழ் மருத்துவக் காப்பீட்டு பிரீமியத்துக்கு வழங்கப்படும் வருமான வரி சலுகையை உயர்த்த வேண்டும் என்பதும் பிரதான எதிர்பார்ப்புகளில் ஒன்று.
தற்போது, தனிநபர்களுக்கு 25,000 ரூபாய் வரையிலும், சீனியர் சிட்டிசன்களுக்கு 50,000 ரூபாய் வரையிலும் வரிச் சலுகை வழங்கப்படுகிறது. இந்த வரம்பை தனிநபர்களுக்கு 50,000 ரூபாயாகவும், சீனியர் சிட்டிசன்களுக்கு 75,000 ரூபாயாகவும் உயர்த்த வேண்டும் என்பது வரி செலுத்துவோரின் எதிர்பார்ப்பு.
இந்த எதிர்பார்ப்புகள் எல்லாம் எந்தளவுக்கு நிறைவேறும் என்பது வரும் செவ்வாய்க்கிழமை அன்று தெரிந்துவிடும்!
