இந்த நிலையில், 2019, 2024 நாடாளுமன்றத் தேர்தல்களில் வயநாடு தொகுதியில் எம்.பி-யாக வெற்றிபெற்ற காங்கிரஸ் எம்.பி ராகுல் காந்தி, முன்னாள் பிரதமரான தனது தந்தை ராஜீவ் காந்தி இறந்தபோது உணர்ந்ததை தற்போது உணர்வதாகத் தெரிவித்திருக்கிறார்.
முன்னதாக, ராகுல் காந்தியும், வயநாடு இடைத்தேர்தலில் போட்டியிடும் அவரின் தங்கை பிரியங்கா காந்தியும் வயநாட்டில் நிலச்சரிவால் பாதிக்கப்பட்டவர்கள் தங்கவைக்கப்பட்டிருக்கும் நிவாரண முகாம்களுக்கு இன்று நேரில் வருகை தந்து, அங்கிருப்பவர்களுக்கு ஆறுதல் தெரிவித்தனர்.
அதன் பின்னர் செய்தியாளர்களைச் சந்தித்த ராகுல் காந்தி, “என் தந்தை இறந்தபோது நான் உணர்ந்ததை நான் நினைவில் வைத்திருக்கிறேன். ஆனால், இங்கிருப்பவர்கள் ஒரு தந்தையை மட்டும் இழக்கவில்லை, சகோதரர்கள், சகோதரிகள், தாய்மார்கள், தந்தைகள் என தங்கள் குடும்பங்களை இழந்திருக்கின்றனர். என் தந்தை இறந்தபோது உணர்ந்ததை இன்று உணர்கிறேன்.
