இது தொடர்பாக விளக்கமளித்து பேசிய மத்திய அமைச்சர் கிரண் ரிஜிஜூ, “எதிர்க்கட்சியினர் முஸ்லிம்களை தவறாக வழிநடத்துகிறார்கள்… நேற்று இரவு வரை இஸ்லாமிய பிரதிநிதிகள் என்னிடம் வந்தனர். வக்பு வாரியங்களை மாஃபியா கைப்பற்றியுள்ளதாக பல எம்.பி.க்கள் என்னிடம் கூறினர். சில எம்.பி.க்கள் தனிப்பட்ட முறையில் இந்த மசோதாவை ஆதரிப்பதாகவும், ஆனால் அவர்களது அரசியல் கட்சிகள் காரணமாக அதை கூற முடியாது என்றும் கூறியுள்ளனர். இந்த மசோதா குறித்து நாடு தழுவிய அளவில் பல அடுக்கு ஆலோசனைகளை நடத்தியுள்ளோம்.
நாடாளுமன்ற உறுப்பினர்களை எந்த மதத்துடனும் தொடர்புபடுத்துவது சரியல்ல. பல்வேறு மதங்களைச் சேர்ந்தவர்களை வக்பு வாரியத்தில் உறுப்பினராக்க வேண்டும் என்று நாங்கள் கூறவில்லை. நாடாளுமன்ற உறுப்பினர் ஒருவர் வக்ஃப் வாரியத்தில் உறுப்பினராக இருக்க வேண்டும் என்று சொல்கிறோம். இப்போது, எம்.பி., இந்துவாகவோ அல்லது கிறிஸ்தவராகவோ இருந்தால், அதற்கு நாம் என்ன செய்ய முடியும்.? இப்போது, ஒரு எம்.பி., எம்.பி., என்கிற தகுதியால், வக்பு வாரியத்தில் சேர்க்கப்பட்டால், எம்.பி.,யின் மதத்தை மாற்ற வேண்டுமா?
இந்த மசோதா மூலம், எந்த மத அமைப்பின் சுதந்திரத்திலும் தலையிட முடியாது. யாருடைய உரிமையை பறிப்பதையும் மறந்து விடுங்கள். இந்த மசோதா இதுவரை உரிமைப் பெறாதவர்கள் அதைப் பெறுவதற்காக கொண்டுவரப்பட்டிருக்கிறது” எனக் குறிப்பிட்டிருக்கிறார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88
