TVK Vijay : பனையூரில் கட்சிக் கொடியை அறிமுகப்படுத்துகிறார், த.வெ.க தலைவர் விஜய்!
நடிகர் விஜய், கடந்த மார்ச் மாதம், `தமிழக வெற்றிக் கழகம்” என்ற பெயரில் அரசியல் கட்சியைத் தொடங்கினர். இவ்வாறிருக்க, ஆகஸ்ட் 22-ம் தேதி (இன்று) தமிழக வெற்றிக் கழகத்தின் கொடி அறிமுகப்படுத்தப்படுவதாக தகவல்கள் வெளியாகின. அந்த நிலையில், `நாளை முதல் நாடெங்கும் நமது கொடி பறக்கும், தமிழ்நாடு இனி சிறக்கும்’ என கொடி அறிமுகத்துக்கான அதிகாரபூர்வ அறிவிப்பை அந்தக் கட்சியின் தலைவர் விஜய், நேற்றைய தினம் வெளியிட்டிருந்தார்.
அந்த அறிவிப்பு தொடர்பான அறிக்கையில், “சரித்திரத்தின் புதிய திசையாகவும் புதிய விசையாகவும் ஒவ்வொரு நாளும் அமைந்தால் அது ஒரு பெரும் வரம். அப்படியான வரமாக இறைவனும் இயற்கையும் நமக்கு அமைத்துக் கொடுத்திருக்கும் நாள்தான் 2024 ஆகஸ்ட் 22.
நம் தமிழக வெற்றிக் கழகத்தின் முக்கிய அடையாளமான கொடி அறிமுகமாகும் நாள். தமிழ்நாட்டின் நலனுக்காக உழைத்து, நம் மாநிலத்தின் அடையாளமாகவும் மாறப் போகும் நம் வீரக் கொடியை, வெற்றிக்கொடியை நாளை நம் தலைமை நிலையச் செயலகத்தில் அறிமுகப்படுத்தி, கழகக் கொடிப் பாடலை வெளியிட்டு. கழகக் கொடியை ஏற்றி வைக்கிறோம் என்பதைப் பெருமகிழ்வுடன் அறிவிக்கிறேன். நாளை முதல் நாடெங்கும் நமது கொடி பறக்கும். தமிழ்நாடு இனி சிறக்கும். வெற்றி நிச்சயம்” என்று விஜய் குறிப்பிட்டிருந்தார்.
இந்த அறிவிப்பைத் தொடர்ந்து, அதற்கான வேலைகளில் அந்தக் கட்சியினர் மும்முரம் காட்டி வருகின்றனர். அதன்படி, இன்று காலை 9:15 மணிக்கு பனையூரில், `தமிழக வெற்றிக் கழகம்’ கொடி அறிமுகம் செய்யப்படும் விழா நடைபெறுகிறது. இந்த விழாவில், மாநிலம் முழுவதுமிருந்தும் ஏராளமான நிர்வாகிகள் கலந்துகொள்ளவிருப்பதாகக் கூறப்படுகிறது.
இந்த நிலையில், நாம் தமிழர் கட்சியின் தலைமை ஒருங்கிணைப்பாளர் சீமான், “தம்மை வளர்த்தெடுத்து, வாழ்வளித்த தாய்த்தமிழ்நாட்டு மக்களுக்குத் தன்னலமற்ற தொண்டாற்ற வேண்டும் என்ற புனித நோக்கத்தோடு,
தமிழக வெற்றிக்கழகத்தின் கொடியை நாளை (22-08-2024) அறிமுகப்படுத்தி, நேரடி அரசியல் களத்தில் தடம் பதிக்கத் தொடங்கும், என் அன்புத்தம்பி தளபதி விஜய் அவர்கள் இலட்சிய உறுதிகொண்டு, தமிழக அரசியலில் வாகை சூட நெஞ்சம் நிறைந்த நல் வாழ்த்துகள்!” எனக் குறிப்பிட்டு, விஜய்க்கு வாழ்த்துகள் தெரிவித்திருக்கிறார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88
