கடந்த 2024 ஜூன் மாதத்தில் இந்தியாவின் மொத்த ஏற்றுமதி 5.40 சதவீதம் வளர்ச்சி அடையும் என்று மத்திய அரசு மதிப்பிட்டுள்ளது. இதில், மின்னணு சாதனங்களின் ஏற்றுமதி 16.91% அதிகரித்து தெரியவந்துள்ளது.
இது தொடர்பாக, மத்திய வர்த்தக மற்றும் தொழில் துறை அமைச்சகம் வெளியிட்டுள்ள தகவலின்படி, நடப்பாண்டின் ஜூன் மாதத்தில், நாட்டின் மொத்த ஏற்றுமதி 65.47 பில்லியன் அமெரிக்க டாலராக இருக்கும் என்று மதிப்பிடப்பட்டுள்ளது. இது கடந்த 2023ஆம் ஆண்டின் ஜூன் மாதத்துடன் ஒப்பிடுகையில் 5.40 சதவீதம் அதிகமாகும்.
அதேபோல் நமது நாட்டின் மொத்த இறக்குமதியானது, நடப்பு 2024 ஜூன் மாதத்தில் 73.47 பில்லியன் அமெரிக்க டாலராக இருக்கும் என்று மதிப்பிடப்பட்டுள்ளது. இது, கடந்தாண்டு ஜூன் மாதத்துடன் ஒப்பிடும்போது 6.29 சதவீதம் அதிகம் என்பது குறிப்பிடத்தக்கது.
வணிகப் பொருட்களின் ஏற்றுமதி 2024ஆம் ஆண்டின் ஜூன் மாதத்தில் 35.20 பில்லியன் டாலராக இருந்துள்ளது. இது 2023ஆம் ஆண்டின் ஜூன் மாதத்துடன் ஒப்பிடும்போது 2.55 சதவீதம் அதிகம் என்று புள்ளி விவரங்கள் தெரிவிக்கின்றன.
