அமெரிக்கா உள்ளிட்ட நாடுகள் அங்கம் வகிக்கும் நேட்டோ அமைப்பில் உக்ரைன் இணைவதற்கு எதிர்ப்பு தெரிவித்த ரஷ்யா, அந்நாட்டின்மீது கடந்த 2022 பிப்ரவரி முதல் இரண்டாண்டுகளுக்கு மேலாகப் போர் நடத்திவருகிறது. அமெரிக்க உள்ளிட்ட பல நாடுகள் போரை நிறுத்துமாறு ரஷ்யா மீது பொருளாதாரத் தடைவிதித்தபோதும் புதின் தன் முடிவிலிருந்து பின்வாங்குவதாக இல்லை.
இதில், அமெரிக்கா உக்ரைனுக்குத் தொடர்ந்து நிதியுதவி, ஆயுத உதவி போன்றவற்றைச் செய்துவருகிறது. இந்த நிலையில், அமெரிக்க அதிபர் தேர்தலில் போட்டியிடும் முன்னாள் அதிபரும், குடியரசு கட்சி வேட்பாளருமான டொனால்ட் ட்ரம்ப் (Donald Trump), உக்ரைன் அதிபர் ஜெலன்ஸ்கியை செல்போனில் தொடர்புகொண்டு, போரை முடிவுக்கு கொண்டுவருவதாக உறுதியளித்திருக்கிறார்.
