2024-ஆம் ஆண்டின் தொடக்கத்தில் தமிழ்நாடு முழுவதும் 13 கல்லூரிகளின் முதல்வர் பணியிடங்கள் மட்டுமே காலியாக இருந்தன. பிப்ரவரி மாதத்தில் இந்த எண்ணிக்கை 30 ஆக உயர்ந்தது. இப்போது காலியிடங்களின் எண்ணிக்கை 60-க்கும் அதிகமாகி விட்டது. மே மாதத்தில் மாணவர் சேர்க்கை நடவடிக்கைகள் தொடங்கும், ஜூன் மாதத்தில் வகுப்புகள் தொடங்கும் என்பது அரசுக்கு நன்றாகத் தெரியும். அதனால், மே மாதத்திற்கு முன்பாகவே முதல்வர் பணியிடங்களை அரசு நிரப்பியிருக்க வேண்டும். ஆனால், நிலையான முதல்வர்களை நியமிப்பதற்கு மாறாக பொறுப்பு முதல்வர்களை மட்டுமே நியமித்து கல்லூரி நிர்வாகத்தை நடத்த தமிழக அரசு முயல்கிறது. இது தவறான அணுகுமுறை ஆகும்.
நிலையான முதல்வர்களுக்கு மாற்றாக பொறுப்பு முதல்வர்களைக் கொண்டு கல்லூரியை நடத்துவதால், கல்லூரியின் கல்வி மேம்பாட்டுப் பணிகள் பாதிக்கப்படுவது ஒருபுறமிருக்க அரசுக்கும் கூடுதல் செலவு ஆகிறது. தமிழக அரசு 2022-ஆம் ஆண்டில் பிறப்பித்த ஆணையின்படி, ஒரு கல்லூரியில் முதல்வர் பணியிடம் காலியாக இருந்தால் , அந்த இடத்தில் மூத்த இணைப் பேராசிரியர் ஒருவரை பொறுப்பு முதல்வராக நியமிக்க வேண்டும். அவ்வாறு நியமிக்கப்படுபவருக்கு அவரது மொத்த ஊதியத்தில் 20% அல்லது முதல்வர் பணிக்கான ஊதியத்தில் 50% , இவற்றில் எது குறைவோ அதை கூடுதல் ஊதியமாக வழங்க வேண்டும். அதன் மூலம் பொறுப்பு முதல்வருக்கு மாதம் ரூ.40,000 வரை கூடுதல் ஊதியம் வழங்க வேண்டும். இது நிலையான முதல்வருக்கு வழங்கப்படும் ஊதியத்தை விட அதிகம் ஆகும்.
கல்லூரிகளில் நிலையான முதல்வர்கள் இல்லாத சூழலில் மாணவர் சேர்க்கைப் பணிகள் கடுமையாக பாதிக்கப்படும் வாய்ப்பு உள்ளது. அதையும், கல்லூரிகளின் கல்வி மேம்பாட்டுப் பணிகளையும் கருத்தில் கொண்டு தமிழ்நாட்டில் அரசு கல்லூரிகளில் காலியாக உள்ள அனைத்து முதல்வர் பணியிடங்களையும் உடனடியாக நிரப்ப தமிழக அரசு நடவடிக்கை எடுக்க வேண்டும்!” என வலியுறுத்தினார்.
இந்த விமர்சனம் தொடர்பாக தி.மு.க செய்தித்தொடர்பாளர் கவிஞர் சல்மாவிடம் விளக்கம் கேட்டபோது, “எந்த ஆட்சியிலும் இல்லாதவகையில் கல்வித்துறைக்கென மிக அதிகமான தொகையை பட்ஜெட்டில் ஒதுக்குவது தி.மு.க அரசுதான். புதுமைப் பெண் திட்டம், தமிழ்ப் புதல்வன் திட்டங்கள் மூலம் அரசுப் பள்ளியில் படித்த மாணவ மாணவிகளுக்கு மாதம் ரூ.1000, நான் முதல்வன் திட்டம் என பல்வேறு திட்டங்களை செயல்படுத்திவருகிறோம். எந்த திட்டமாக இருந்தாலும் முறைப்படி அலசி ஆராய்ந்துதான் கொண்டுவருகிறோம். அதன்படி, அரசின் பள்ளி, கல்லூரிகளில் ஆசிரியர்கள் பணி நியமனங்கள் பொதுவாக மே அல்லது நவம்பர் மாதங்களில்தான் வெளியிடப்படும். ஆனால், கடந்த மே மாதம் தேர்தல் சூழல் என்பதாலும், தேர்தல் நடத்தை விதிமுறைகள் அமலில் இருப்பதாலும் அந்த அறிவிப்பை வெளியிடமுடியில்லை.
அதேசமயம், ஆசிரியர் காலிப் பணியிடங்களை நிரப்புவதற்கான பட்டியல் ஏற்கெனவே தயார்நிலையில் இருக்கிறது. தற்போது அவர்களின் தகுதிகளை சரிபார்க்கும் பணி நடைபெற்றுக்கொண்டிருக்கிறது. விரைவில் இந்தப் பணிகளெல்லாம் முடிந்தபின்னர், இன்னும் சில நாட்களில் முறைப்படி ஆசிரியர் பணியிடங்கள் நிரப்புவதற்கான அதிகாரப்பூர்வ அறிவிப்பு வெளியிடப்படவிருக்கிறது. இதை முன்கூட்டியே தெரிந்துகொண்ட பா.ம.க ராமதாஸ் வேண்டுமென்றே விமர்சனம் செய்யும் வகையில் தற்போது அறிக்கை வெளியிட்டிருக்கிறார். இன்னும் சில நாட்களில் அரசின் அறிவிப்பு வெளியான பிறகு இது தனக்கு கிடைத்த வெற்றியாக விளம்பரப் படுத்திக்கொள்வார். தன்னை விளம்பரப்படுத்திக்கொள்வதற்காக வேண்டுமென்றே தி.மு.க அரசின் மீது விமர்சனம் செய்கிறார்” எனக் குற்றம்சாட்டினார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88
