இதற்கிடையில், தொலைத்தொடர்பு மற்றும் ICT முன்னாள் அமைச்சர் ஜுனைத் அஹமத் பாலக் (Zunaid Ahmed Palak), அவாமி லீக் அரசின் முன்னாள் வெளியுறவு அமைச்சர் ஹசன் மஹ்மூத் ஆகியோர் ஹஸ்ரத் ஷாஜலால் சர்வதேச விமான நிலையத்தில் விமான நிலைய அதிகாரிகளால் கைது செய்யப்பட்டதாக தகவல் வெளியாகியிருக்கிறது.
இதற்கிடையில், வீட்டு காவலில் வைக்கப்பட்டிருந்த வங்கதேசத்தின் முதல் பெண் பிரதமரான கலிதா ஜியா, ஜனாதிபதியின் உத்தரவின் அடிப்படையில், வீட்டுக் காவலில் இருந்து விடுவிக்கப்பட்டிருக்கிறார்.
இந்த நிலையில், இந்திய அரசு நேற்று அனைத்துக் கட்சிகள் கூட்டத்தை நடத்தியது. அதைத் தொடர்ந்து பேசிய மத்திய வெளியுறவுத் துறை அமைச்சர் ஜெய்சங்கர்,“வங்கதேசத்தின் நிலைமை கவலையளிக்கும் நிலையில், சிறுபான்மையினரின் நிலை குறித்து இந்திய அரசு கண்காணித்து வருகிறது” எனக் குறிப்பிட்டிருந்தார்.
