கேப்டன் பிறந்த நாளை முன்னிட்டு தே.மு.தி.க தலைமை அலுவலகம் இனி ‘கேப்டன் ஆலயம்’ எனப் பெயர் சூட்டப்பட்டிருக்கிறது. எனவே தே.மு.தி.க தலைமை அலுவலகம் இனி ‘கேப்டன் ஆலயம்’ என்றே அழைக்கப்படும். கேப்டன் தேர்தல் அறிக்கையில் வறுமை கோட்டுக்கு கீழ் இல்லாத மக்கள், லஞ்சம், ஊழல் இல்லாத சமூகம், படித்த, படிக்காத இளைஞர்களுக்கு வேலை வாய்ப்பு, அனைவருக்கும் கல்வி, பாதுகாப்பான குடிநீர், ஒவ்வொரு தனி மனிதனுக்கும் உணவு, இருப்பிடம், உடை உறுதிப் படுத்துதல், நதிகளை இணைத்தல், சட்ட ஒழுங்கை பாதுகாத்தல் ஆகியவையே அவரின் கனவு எனக் குறிப்பிட்டிருந்தார். அதை நிறைவேற்றுவோம்.
எங்களுக்கு கொடுக்கப்பட்ட அரசுப் பாதுகாப்பை தமிழ்நாடு அரசு திரும்பப் பெற்றுக்கொண்டது ஏன் எனத் தெரியவில்லை. கேப்டன் ஆலயத்துக்கு வரும் பொது மக்களுக்கு உரிய பாதுகாப்பு இல்லை. அவர்கள் சாலையை கடக்க போதுமான வசதிகள் இல்லை. இது குறித்து அரசுக்கு தெரிவித்தும் எந்த நடவடிக்கையும் இல்லை. ஜிப்ரா கிராஸ், சிக்னல் போன்ற அமைப்புகளை ஏற்படுத்த வேண்டும் எனக் கேட்டுக்கொள்கிறேன். நடிகர் விஜய், அவரின் கட்சிக் கொடியை அறிமுகப்படுத்தியதற்கு வாழ்த்துகள். முதல்வர் ஸ்டாலின் அமெரிக்க பயணம் செல்கிறார். இதற்கு முன்னர் அவர் சென்ற வெளிநாட்டுப் பயணங்கள் மூலம் எவ்வளவு வேலை வாய்ப்பு உருவாக்கப்பட்டது என்பது குறித்து எந்த தகவலும் இல்லை.
